Fyrir hverja er dagdvölin og sérhæfða dagþjálfunin
Dagdvöl Sólvangs er ætluð einstaklingum 67 ára og eldri sem eru búsettir í Hafnarfirði. Sérhæfða dagþjálfunin er fyrir einstaklinga með heilabilun.
Markmið dagdvalar
- Að styðja aldraða einstaklinga til þess að geta búið á eigin heimilum sem lengst og rjúfa félagslega einangrun.
- Að viðhalda og örva einstaklinga til betri andlegrar, líkamlegrar og félagslegrar heilsu.
- Áhersla er lögð á sjálfræði, samveru og samvinnu.
Starfsemi
Dagdvöl og sérhæfð dagþjálfun er á fyrstu hæð gamla Sólvangs. Dagdvölin er opin frá kl. 9-15 og dagþjálfunin frá kl. 8-16 alla virka daga. Dvalartími getur verið frá einum upp í fimm virka daga í viku. Gert er ráð fyrir 14 einstaklingum á dag í dagdvölinni og 12 í sérhæfðu dagþjálfuninni á Sólvangi. Sérhæfða dagþjálfunin hóf rekstur í júní 2021.
Hér er boðið upp á fjölbreytta dagskrá í formi heilsueflingar og afþreyingar; félagsstarf, handavinna, léttar leikfimiæfingar og hvíldaraðstaða. Áhersla er lögð á sjálfræði, samveru og samvinnu.
Forstöðumaður dag- og heimaþjónustu er Bryndís Guðbrandsdóttir hjúkrunarfræðingur.
Þjónustugjöld
Dagdvölin er rekin á daggjöldum og þjónustugjöldum notenda. Greiðsla er innheimt með innheimtukröfu í heimabanka. Innifalið í verði er akstur og máltíðir. Gestir greiða 1.313 kr. fyrir daginn samkvæmt gjaldskrá Sjúkratrygginga á árinu 2022. Einnig greiða gestir í dagþjálfuninni 3.000 kr. mánaðarlega í afþreyingarsjóð.
Máltíðir
Gestum er boðið upp á morgunverð, heitan hádegisverð og síðdegiskaffi á Sólvangi.
Ferðaþjónusta
Ferðaþjónusta sér um akstur til og frá heimilum þess sem það þurfa.
Forföll
Gestir dagdvalar eru beðnir að tilkynna forföll í síma 590-6506. Gestir greiða daggjaldið þrátt fyrir forföll.
Hvernig er sótt um
Umsóknir um dagdvöl skulu berast til dagdvalar á netfangið dagdvol@solvangur.is.
Umsóknir fyrir sérhæfðu dagþjálfunina fyrir einstaklinga með heilabilun koma í gegnum minnismóttöku Landakots.
Netfang: dagdvol@solvangur.is – beinn sími 590-6506