Við flutning á Sólvang
Fyrir marga getur flutningur á hjúkrunarheimili verið mjög erfiður og erfitt getur verið að aðlagast breyttum aðstæðum. Álagið á aðstandendur getur verið mikið og margvísleg vandamál komið upp. Mikilvægt er að starfsfólk og aðstandendur séu samstíga um aðlögun og hún takist sem best þannig að íbúinn finni fyrir öryggi og hlýju á nýja heimilinu.
Við flutning fá nýir íbúar afhentan bækling með helstu upplýsingum um heimilið fyrir sig og aðstandendur sína.
Lögð er áhersla á vistlegt umhverfi og að íbúinn hafi persónulega muni með sér, til þess að gera umhverfið notalegra og eins heimilislegt og hægt er. Sólvangur leggur til rafknúið sjúkrarúm, náttborð og rúllugardínur. Að öðru leyti kemur hver og einn með sinn húsbúnað. Sjá nánar aðstöðuna á Sólvangi með því að smella hér…
Þvottur
Íbúar eða aðstandendur verða að merkja allan fatnað með herbergisnúmeri viðkomandi. Sólvangur tekur ekki ábyrgð á fatnaði sem glatast. Athugið að Sólvangur tekur ekki að sér þvott á viðkvæmum fatnaði sem ekki þolir vélarþvott og ber ekki ábyrgð á að viðkvæmar flíkur skemmist í þvotti.
Fatnaður
Mikilvægt er að huga að góðum inniskóm sem falla vel að fæti, lágbotna með stömum sóla, ennfremur stöðugum útiskóm, hlýrri yfirhöfn og höfuðfati.
Snyrtivörur
Heimilismaður hefur meðferðis ákveðnar hreinlætis- og snyrtivörur s.s. tannbursta, tannkrem, efni til hreinsunar á gervitönnum ef við á, rakakrem, svitalyktareyði, hárgreiðu, sjampó og aðrar hársnyrtivörur, rakáhöld, rakspíra og þess háttar.
Varðandi tryggingar
Sólvangur tekur ekki ábyrgð á persónulegum munum eða innanstokksmunum og heimilismenn eru hvattir til að vera með læstar hirslur fyrir verðmæta muni. Inni í fataskáp íbúa eru læstar hirslur. Þá geta heimilismenn keypt tryggingar fyrir innbú sitt hjá tryggingarfélögum.
Sjónvarp
Íbúar geta horft á sjónvarp í setustofu en einnig haft með sér sitt eigið. Smelltu hér að neðan til að kynna þér leiðbeiningar varðandi slíkt.
08-Tæknileiðbeiningar fyrir íbúðir