Neyðarstjórn Sólvangs fagnar afléttingum á sóttvarnareglum í samfélaginu en vilja góðfúslega benda á að vegna viðkvæmrar stöðu í mönnun og þjónustu við íbúa, þá verða áfram í gildi ákveðnar sóttvarnarreglur á Sólvangi en með ákveðnum breytingum þó:
- Áfram mega tveir gestir koma að heimsækja íbúa hvern dag, en nú án allra aldurstakmarka.
- Grímuskylda er ennþá í gildi og þurfa allir gestir að bera andlitsgrímu á meðan heimsókn stendur. Ekki er heimilt að vera með margnota grímur.
- Áfram er ekki heimilt að nýta setustofur eininga/deilda til heimsókna né önnur alrými s.s. borðsali.
- Eins og áður geta íbúar farið út í garð og í gönguferðir með sínum nánustu og einnig í bílferðir eða heimsóknir. Fólk er beðið að gæta varúðar og huga vel að persónubundnum sóttvörnum.
- Reglur tengdar aðstandendum sem dvalið hafa erlendis falla niður.
- Aðstandendur og aðrir gestir eru beðnir um að koma ekki í heimsókn inn á heimilið ef þeir finna fyrir einhverjum covid líkum einkennum eða einkennum annara umgangspesta (s.s. kvef, hósti, hiti, höfuðverkur, beinverkir, þreytu, kviðverki, niðurgang, uppköst o.fl.).
- Við ákveðnar aðstæður gætu stjórnendur deilda þurft að grípa til hertari heimsóknarreglna í takmarkaðan tíma, en ávallt verður leitast við að veita þær undanþágur sem íbúar og aðstandendur óska eftir eins og hægt er.
Munið að sýna ýtrustu varkárni og virða sóttvarnaráðstafanir í heimsóknum. Við þurfum jafnframt öll að hafa áfram í huga persónulegar sóttvarnir s.s. handþvott og handsprittun.
Með vinsemd og virðingu,
Neyðarstjórn Sólvangs