Hertar heimsóknarreglur á Sólvangi 29. desember

posted in: Óflokkað | 0

Neyðarstjórn Sólvangs hefur ákveðið að herða heimsóknarreglur vegna aukinna smita í samfélaginu.  Reglurnar taka gildi frá og með 29. desember 2021.

  • Tveir gestir hafa leyfi til að heimsækja íbúa hvern dag.
  • Aðstandendur og gestir á aldrinum 0-30 ára – Eru beðnir um að koma ekki í heimsókn. Mjög mörg smit eru að greinast í þessum aldurshópi og margir hverjir í hópnum eru ekki bólusettir og því mun meiri líkur á að þeir smiti aðra.
  • Grímuskylda – ALLIR gestir þurfa að bera andlitsgrímu við komu á heimilin. EKKI er heimilt að taka grímuna niður inn á herbergi íbúa. Ekki er heimilt að vera með margnota grímur.
  • Virða þarf 2ja metra regluna.  Forðist snertingu við íbúa eins og hægt er.
  • Ekki er heimilt að nýta setustofur eininga/deilda til heimsókna né önnur alrými á heimilinu.
  • Íbúum er áfram heimilt að fara í gönguferðir með sínum nánustu og einnig er heimilt að fara með íbúa út af heimilinu í bílferðir eða heimsóknir.
  • Mikilvægt er að hafa í huga að sem fæstir séu í þeim boðum sem íbúar Sólvangs sækja (lög segja að hámarki 20 einstaklingar (börn eru þar meðtalin) sem gildir fyrir frískt fólk). Neyðarstjórnin biðlar til íbúa, aðstandenda og annarra gesta að fara ekki í stærri mannfagnaði eða aðrar samkomur með íbúa.
  • Neyðarstjórnin hvetur aðstandendur til að nýta hraðpróf fyrir alla sem hittast saman í fjölskyldusamkomum og eins áður en þeir koma í heimsóknir á heimilin.
  • Óbólusettir aðstandendur eru beðnir um að fara í hraðpróf og koma ekki í heimsókn nema niðurstaðan innan 48 klst sé neikvæð.
  • Fullbólusettir aðstandendur sem dvalið hafa erlendis – Þeim er heimilt að koma í heimsókn eftir að hafa farið í skimun á landamærum og niðurstaða úr skimun er neikvæð ásamt því að þeir séu með öllu einkennalausir.
  • Óbólusettir aðstandendur sem eru að koma erlendis frá mega ekki koma í heimsókn inn á heimilin fyrr en 14 dagar eru liðnir frá heimkomu (undanþágu er hægt að fá í samráði við stjórnendur deildar ef um skyndileg veikindi/lífslokameðferð er að ræða hjá íbúa). 
  • Undanþága frá reglum um heimsóknir hverju sinni, er aðeins veitt við mikil veikindi íbúa og þarf leyfi frá hjúkrunarstjóra deildar.

Alls ekki koma í heimsókn ef:
a. Þú ert í sóttkví eða smitgát
b. Þú ert í einangrun eða að bíða eftir niðurstöðu úr sýnatöku.
c. Þú hefur verið í einangrun og ekki eru liðnir 14 dagar frá útskrift.
d. Þú ert með COVID-19 lík einkenni (kvef, hósta, hita, höfuðverk, beinverki, þreytu, kviðverki, niðurgang, uppköst o.fl.).
e. Þú ert með einhver önnur almenn einkenni um veikindi.

Munið að sýna ýtrustu varkárni og virða sóttvarnaráðstafanir í heimsóknum. Við þurfum öll að hafa í huga persónulegar sýkingavarnir s.s. handþvott og handsprittun.