Tilslakanir á heimsóknarreglum

posted in: Óflokkað | 0

Nú hafa flestir íbúar og starfsmenn Sólvangs verið fullbólusettir fyrir Covid-19.  Í samræmi við leiðbeiningar Samráðshóps hjúkrunarheimila í heimsfaraldri og Almannavarna mun heimilið slaka á sóttvarnarráðstöfunum í starfseminni.

Helstu breytingar

  • Sólvangur er opinn fyrir heimsóknum milli kl. 15-18, fleiri en tveir mega koma daglega. 
  • Börnum undir 18 ára er heimilt að koma aftur í heimsóknir.

Við minnum jafnframt á eftirfarandi:

  • Munið grímuskyldu, hafið grímu meðferðis, þó ekki taugrímu.
  • Allir gestir þvo hendur sínar áður en lagt er af stað og spritta í inngangi við komu og á leiðinni út.
  • Heimsóknargestur fer rakleiðis að herbergi íbúa og aftur að útidyrum að heimsókn lokinni.  Hringið bjöllu í herbergi ef íbúi er ekki í herbergi og látið ná í íbúa.  Samvera í setustofum eða öðrum sameignarrýmum óheimil. Forðist beina snertingu við íbúa eins og hægt er (á ekki við hjón og sambúðarfólk) og munið 2ja metra nándarmörk.
  • Forðist snertingu við starfsfólk og virðið 2ja metra regluna.
  • Ef þarf að ná tali af starfsfólki, hringið frekar, ekki stoppa og spjalla við starfsfólk.
  • Heimilt er að fara með íbúa í göngutúr, fara með íbúa í bíltúr eða heimsókn til vina og ættingja eða sinna erindum.   
  • Gestir og aðrir sem umgangast íbúa eru minntir á að fylgja sóttvarnarreglum Almannavarna hvívetna.
  • Allir heimsóknargestir uppfæri smitrakningarappið í símanum sínum.

Vinsamlega EKKI koma í heimsókn:

  • ef þú ert í einangrun eða sóttkví, eða ekki liðnir 14 dagar frá útskrift vegna Covid smits
  • ef þú ert að bíða eftir niðurstöðu úr sýnatöku.
  • ef þú ert með flensueinkenni (kvef, hósta, höfuðverk, beinverki, þreytu, kviðverki, niðurgang o.fl).
  • ef þú varst erlendis fyrir minna en 14 dögum.

Reglurnar taka gildi frá og með miðvikudeginum 12. maí 2021 og verða endurskoðaðar eftir atvikum.
Neyðarstjórn Sólvangs