Tilkynning vegna tilslakana heimsóknarreglna á Sólvangi
Neyðarstjórn Sólvangs hefur ákveðið að létta á heimsóknarreglum á Sólvangi hjúkrunarheimili þar sem nýsmitum hefur fækkað í samfélaginu. Flestir íbúar hafa verið bólusettir, þó ekki allir og starfsfólkið er ennþá óvarið. Hjálpumst að að verja óbólusetta íbúa og starfsfólkið þangað til váin er frá. Heimilið er ennþá á neyðarstigi Almannavarna en heimsóknarreglur munu taka eftirfarandi breytingum frá og með laugardeginum 30. janúar:
- Tveir gestir geta komið í heimsókn dag hvern á opnunartímanum kl. 15-18. Ekki þurfa að vera sömu aðilar sem koma hverju sinni. Börn undir 18 ára hafa leyfi til að koma en þá teljast þau annar af þessum tveimur gestum.
- Heimilt er að fara með íbúa í göngutúr, fara með íbúa í bíltúr eða heimsókn til vina og ættingja eða sinna erindum. Mælst er til þess að íbúar fari ekki á hópfagnaði, þar sem fleiri en 20 koma saman. Þessi tilslökun á ekki við íbúa sem hafa ekki lokið bólusetningu.
Við minnum jafnframt á eftirfarandi:
- Munið grímuskyldu, hafið grímu meðferðis, þó ekki taugrímu.
- Allir gestir þvo hendur sínar áður en lagt er af stað og spritta í inngangi við komu og á leiðinni út.
- Heimsóknargestur fer rakleiðis að herbergi íbúa og aftur að útidyrum að heimsókn lokinni. Hringið bjöllu í herbergi ef íbúi er ekki í herbergi og látið ná í íbúa. Samvera í setustofum eða öðrum sameignarrýmum óheimil. Forðist beina snertingu við íbúa eins og hægt er og munið 2ja metra nándarmörk.
- Forðist snertingu við starfsfólk og virðið 2ja metra regluna.
- Ef þarf að ná tali af starfsfólki, hringið frekar, ekki stoppa og spjalla við starfsfólk.
- Gestir og aðrir sem umgangast íbúa eru minntir á að fylgja sóttvarnarreglum Almannavarna hvívetna.
- Allir heimsóknargestir hlaði niður smitrakningarappinu í símann sinn.
Vinsamlega EKKI koma í heimsókn:
- ef þú ert í einangrun eða sóttkví, eða ekki liðnir 14 dagar frá útskrift vegna Covid smits
- ef þú ert að bíða eftir niðurstöðu úr sýnatöku.
- ef þú ert með flensueinkenni (kvef, hósta, höfuðverk, beinverki, þreytu, kviðverki, niðurgang o.fl).
- ef þú varst erlendis fyrir minna en 14 dögum.
Reglurnar taka gildi frá og með laugardeginum 30. janúar 2021 og verða endurskoðaðar eftir atvikum.
Neyðarstjórn Sólvangs