Neyðarstjórn Sólvangs hefur ákveðið að létta á heimsóknarbanni á Sólvangi hjúkrunarheimili frá og með fimmtudeginum 19. nóvember þar sem nýsmitum hefur fækkað í samfélaginu, með fyrirvara um að smitum haldi áfram að fækka á næstu dögum. Heimilið er ennþá á neyðarstigi en heimsóknarreglur munu taka eftirfarandi breytingum:
- Einn og sami heimsóknaraðili getur komið í heimsókn mánudaga og fimmtudaga á opnunartímanum kl. 15-17.
- Heimsóknaraðili skal skrá sig sem heimsóknaraðila í eftirfarandi síma:
- 1. Hæð s. 8445271
- 2. Hæð s. 8596622
- 3. Hæð s. 8445278
- Munið grímuskyldu, hafið grímu meðferðis.
- Allir gestir þvo hendur sínar áður en lagt er af stað og spritta sig í inngangi.
- Heimsóknargestur fer rakleiðis inn í herbergi íbúa og aftur að útidyrum að heimsókn lokinni. Hringið bjöllu í herbergi ef íbúi er ekki í herbergi og látið ná í íbúa.
- Forðist snertingu við íbúa og virðið 2ja metra regluna.
- Ef þarf að ná tali af starfsfólki, hringið í ofangreind símanúmer.
- Ekki stoppa og spjalla við starfsfólk né aðra íbúa eða heimsóknargesti.
- Heimilt er að fara með íbúa í göngutúr í nærumhverfi á meðan heimsókn stendur en ekki að fara með íbúa í bíltúr eða heimsókn með heimsóknargesti sínum.
- Heimsóknaraðili verður að fara eftir ítrustu leiðbeiningum um sóttvarnir í samfélaginu sem Sólvangur hefur ítrekað kynnt.
Vinsamlega athugið:
- Ekki koma í heimsókn ef þú ert í einangrun eða sóttkví
- Ekki koma í heimsókn ef þú ert að bíða eftir niðurstöðu úr sýnatöku.
- Ekki koma í heimsókn ef þú ert með flensueinkenni (kvef, hósta, höfuðverk, beinverki, þreytu, kviðverki, niðurgang o.fl).
- Ekki koma í heimsókn ef þú varst erlendis fyrir minna en 14 dögum.
- Reglurnar taka gildi frá og með fimmtudeginum 19. nóvember og verða endurskoðaðar eftir atvikum.
Neyðarstjórn Sólvangs